Ako nikako ne možete da se riješite viška kilograma i nije vam jasno zašto, razmislite malo o svojima navikama i ritualima prije spavanja.

Pod stresom ste

Prestanite da radite do kasnih večernjih sati ili da koristite računar neposredno pred odlazak na spavanje. To može izazvati gomilanje stresa i anksioznosti što će rezultirati lošim snom i povišenim brojkama na vagi. Veče bi trebalo da bude mirno i opušteno, stoga bi šoljica toplog čaja ili  kratka šetnja po svježem vazduhu mogle da budu od velike pomoći. Pronalaženje pravog načina za upravljanje stresom pomoćiće vam da bolje kontrolišete svoju težinu.

Jedete li iz dosade

Mnogi ljudi pomešaju glad s dosadom te su skloni stalnom grickanju, naročito tokom večeri ispred televizora. Riječ je o veoma lošoj navici jer na taj način u svoje tijelo unosite nepotrebne kalorije. Da biste to izbjegli, pokušajte da osmislite način kojim ćete odvući sebi pažnju od nezdrave hrane i grickalica.

Pijete kafu prije spavanja

Kafa i ostali napici koji sadrže kofein ne preporučaju se za konzumiranje u kasnim večernjim satima jer mogu da poremete san, a nesanica i loše spavanje dovode do gojenja. Posljednju šoljicu kafe popijte šest sati prije odlaska na spavanje.

Idete kasno na spavanje

Kvalitetan san i uredna večernja rutina, kad je u pitanju zdrav san, su od izuzetne važnosti za zdravlje i težinu. Naime, ljudi koji ne spavaju dovoljno, najčešće imaju problema s viškom kilograma jer su skloni da tokom dana unose više kalorija. Potrudite se da svake večeri odlazite u krevet u isto vrijeme i da se ujutro budite u isto vrijeme.

Večera vam je najobilniji obrok

Ako vam je doručak najmanji, a večera najveći obrok u toku dana, vrijeme da u svoju svakodnevicu uvedete neke promjene. Istraživanja su pokazala da vrijeme kada jedemo svoje obroke može uticati na to kako će naše tijelo svariti hranu. Najbolji rezultati kod mršavljenja pokazali su se kod onih koji su imali obilan doručak i laganu večeru.

Ne pijete dovoljno vode

Hidratacija je od ključne važnosti za održavanje zdrave tjelesne mase. Tokom večeri je vrlo važno da u svoje tijelo unesemo dovoljno tečnosti. Mnogi ljudi uveče misle da su gladni, a ustvari im je tijelo dehidrirano. Iz tog razloga, pobrinite se da, u toku večeri, popijete barem dve čaše vode .

Izvor: zena.hr